Forbes rendit klubet më të shtrenjta që garojnë përballë njëri-tjetrit edhe me anë të fuqisë së tyre ekonomike.
Futbolli dhe gjithë industria që e ndjek atë duket se nuk është prekur nga kriza. Kjo, pasi gjigandët evropianë të futbollit akoma vazhdojnë që të marrin përfitime marramendëse. Në vendin e parë, sipas renditjes së bërë nga Forbesi, qëndron Reali. Galaktikët janë të mëdhenj edhe kur bëhet fjalë për para dhe kanë arritur që ta shtojnë vlerën e tyre në treg si çdo vit. Goditje e madhe marketingu ishte edhe marrja e Bejlit që i shtoi disa shifra plus arkës së Perezit që di si të veprojë me lojtarët dhe imazhin që ata përcjellin. Ndërsa në të dytin gjenden “djajtë” e Junajtidit. Edhe pse jo në formë të mirë, klubi qëndron akoma në krye për sa u përket financave. Situata e menaxhuar mirë në vit, por edhe mbajtja e të njëjtëve sponsorë ka bërë që skuadra angleze të renditet e dyta në listë. Ndërsa në të tretin janë katalanasit e Barcelonës. Skuadra është një burim i madh për sa i përket pjesës së reklamave, që janë të shpeshta, prej të cilave mund të përmendin rastin e reklamave të “Qatar Airways”. Imazhi i mirë i lojtarëve, por edhe trofetë e fituar në këto vitet e fundit kanë bërë që skuadra të ketë një vlerë tepër të madhe në treg. Në vendin e katërt, sipas renditjes së Forbes, është Arsenali. Skuadra nga Londra ka vite që qëndron në majë të klasifikimeve për sa i përket vlerës si skuadër. Financat e mëdha që gëzon nga investitorët, por edhe modeli i krijuar nga Vengeri i sjell fitime të mëdha skuadrës së “topçinjve”, që vazhdon të ruajë hapin e mirë në këtë sezon të Premier Ligës. Kampionët gjermanë të Bajernit të Mynihut gjenden në vendin e pestë. Skuadra ka arritur që të fitojë gjithçka në sezonin e kaluar dhe ka të njëjtën forcë të një viti më parë. Ndërsa për sa i përket anës ekonomike, ata vazhdojnë të ruajnë hapin e mëparshëm, duke pasur financa mjaft të shëndetshme, kjo edhe falë lulëzimit që ka ekonomia gjermane në këto vit krize. Në të gjashtin qëndron Milani. Edhe pse çuditërisht skuadra ka pasur probleme financiare, prapë mbetet në top 10-shen e skuadrave më të pasura. Vlera e skuadrës, përfitimet dhe të ardhurat vazhdojnë të qëndrojnë të shëndetshme dhe pritet që të kenë edhe më shumë përmirësime me premtimin e Silvio Berluskonit, i cili deklaroi se skuadra do të rikthehet përsëri në stabilitet. Çelsi i Abramoviçit renditet në vendin e shtatë. Rusi ka krijuar një qëndrueshmëri dhe skuadra e Çelsit ka vite që vazhdon t’i mbajë blutë në maja. Tri vendet që mbyllin renditjen, janë italianët e Juventusit, Mançester Siti dhe Liverpuli.
Real Madrid
Vendi: Spanjë
Viti i themelimit: 1902
Vlera e skuadrës: 3,30 miliardë dollarë
Të ardhurat vjetore: 650 milionë dollarë
Nofka: Los Blancos
Aksioneri kryesor: Anëtarët e klubit
Trajner: Karlo Ançeloti
President klubi: Florentino Perez
Futbollisti më i famshëm: Kristiano Ronaldo
Stadiumi: “Santiago Bernabeu”, 80.354 vende
Lojtari më i paguar: Kristiano Ronaldo (288 paund në javë)
Mançester Junajtid
Vendi: Angli
Viti i themelimit: 1878
Vlera e skuadrës: 3,16 miliardë dollarë
Të ardhurat vjetore: 502 milionë dollarë
Fitimet: 82 milionë euro
Nofka: Red Devils
Aksioneri kryesor: Malkolm Glazer
Menaxher: Devid Mojes
Futbollisti më i famshëm: Robi van Persi
Stadiumi: “Old Trafford”, 72.212 vende
Lojtari më i paguar: Robi van Persi dhe Uejn Runi (180 paund në javë)
Barcelona
Vendi: Spanjë
Viti i themelimit: 1899
Vlera e skuadrës: 2,60 miliardë dollarë
Të ardhurat vjetore: 613 milionë dollarë
Nofka: Barca
Aksioneri kryesor: Anëtarët e klubit
Trajner: Tata Martino
President klubi: Sandro Rosel
Futbollisti më i famshëm: Mesi
Stadiumi: “Camp Nou”, 115.000 vende
Lojtari më i paguar: Lionel Mesi (220 paund në javë)
Arsenal
Vendi: Angli
Viti i themelimit: 1886
Vlera e skuadrës: 1,32 miliardë dollarë
Të ardhurat vjetore: 368 milionë dollarë
Fitimet: 57 milionë dollarë
Nofka: The Gunners
Aksioneri kryesor: Kroenke
Trajner: Arsen Venger
President klubi: Peter Hiull-Vud
Futbollisti më i famshëm: Ozil
Stadiumi: “Emirates Stadium”, 60.355 vende
Lojtari më i paguar: Ozil (160 paund në javë)
Bajern Mynih
Vendi: Gjermani
Viti i themelimit: 1900
Vlera e skuadrës: 1, 30 miliard dollarë
Të ardhurat vjetore: 468 milionë dollarë
Nofka: Der FCB
Aksioneri kryesor: “Adidas”
Trajner: Pep Guardiola
President klubi: Franc Bekenbauer
Futbollisti më i famshëm: Frank Riberi
Stadiumi: “Allianz Arena”, 69.901 vende
Lojtarët më të paguar: Frank Riberi dhe Roben (me nga 165 paund në javë)
AC Milan
Vendi: Itali
Viti i themelimit: 1899
Vlera e skuadrës: 940 milionë dollarë
Të ardhurat vjetore: 468 milionë dollarë
Nofka: Rossoneri
Aksioneri kryesor: Silvio Berluskoni
Trajner: Masimo Alegri
President klubi: Silvio Berluskoni
Futbollisti më i famshëm: Kaka
Stadiumi: “Giuseppe Meazza”, 82.955 vende
Lojtarët më të paguar: Kaka dhe Baloteli (me nga 4 milionë euro në sezon)
Çelsi
Vendi: Angli
Viti i themelimit: 1905
Vlera e skuadrës: 900 milionë dollarë
Të ardhurat vjetore: 409 milionë dollarë
Nofka: The Pensioners
Aksioneri kryesor: Roman Abramoviç
Trajner: Hoze Murinjo
President klubi: Abramoviç
Futbollisti më i famshëm: Frenk Lampard
Stadiumi: “Stamford Bridge”, 42.055 vende
Lojtari më i paguar: Eden Hazard (185 paund në javë)
Juventus
Vendi: Itali
Viti i themelimit: 1897
Vlera e skuadrës: 690 milionë dollarë
Të ardhurat vjetore: 248 milionë dollarë
Nofka: La Vecchia Signora
Aksioneri kryesor: Familja Anjeli
Trajner: Antonio Konte
President klubi: Anjeli
Futbollisti më i famshëm: Bufon
Stadium: “Juventus Stadium”
Futbollisti më i paguar: Bufon (6 milionë euro në sezon)
Mançester Siti
Vendi: Angli
Viti themelimit: 1880
Vlera e skuadrës: 680 milionë dollarë
Të ardhurat vjetore: 362 milionë dollarë
Nofka: Citizens
Aksioneri kryesor: Mansur Bin Zajed Aj Najhan
President klubi: Al Mubarak
Trajner: Manuel Pelegrini
Futbollisti më i famshëm: Aguerro
Stadiumi: “City of Manchester Stadium”
Futbollisti më i paguar: Jaja Ture (180 paund në javë)
Liverpul
Vendi: Angli
Viti i themelimit: 1892
Vlera e skuadrës: 650 milionë dollarë
Të ardhurat vjetore: 296 milionë dollarë
Nofka: The Reds
Aksioneri kryesor: “Fenway Sport Grup”
Trajner: Brendon Roshers
President klubi: Tom Uerner
Stadiumi: “Anfield Road”, 45.522 vende
Futbollisti më i famshëm: Stiven Xherard
Lojtari më i paguar: Luis Suarez (200 paund në javë)
