Leximi i shputave: Kush është i mirë në seks?!

0
175

kembaNjerëzit me gishtin e madh më të vogël, janë të shkëlqyeshëm në “multitasking”, gishti i dytë më i gjatë zbulon liderin, të tretët lidhen me energji dhe vullnet, ndërsa i katërti më i gjatë me njeriun familjar stabil.

Leximi i shputave të këmbës është pjesë e traditës kineze dhe indiane tashmë 5 000 vjet. Rrjedh nga besimi që këmbët janë si pasqyrë e pjesës tjetër të trupit. Gungëzat, kallot ose dhimbjet në shputa në fakt paralajmërojnë për probleme në pjesët tjera të trupit.

Kështu për shembull harqet e shputës janë të lidhura me boshtin kurrizor, ndërsa dhimbja në fakt tregon në problemet me boshtin kurrizor.

Sipas këtij besimi, mendja dhe trupi janë të lidhura në mënyrë të pandashme, ndërsa sëmundjet fizike janë në fakt produkt i personalitetit. Kështu njerëzit të cilët kanë shputa të lëshuara në fakt janë përpjekur për së tepërmi për të qenë të fortë, për ç’arsye kjo është manifestuar si problem në këmbë.

“Këmbët tregojnë gjithçka për ne, prej problemeve me sistemin e tretjes e deri te gjendja e lidhjes sonë të dashurisë. Ato mund të tregojnë nëse jeni më të egër dhe të prirë për të rrezikuar, apo vdisni për stabilitet dhe harmoni në jetë”, thekson refleksologjia, Jane Sheehan.

Gishti i madh i këmbës

Nëse gishti juaj është shumë më i gjatë se gishtat tjerë, jeni shumë të zgjuar dhe jashtëzakonisht kreativ. Jeni përplot ide, ndërsa problemet i zgjidhni në mënyra të pazakonshme. Kurrë nuk ndaleni dhe gjërat i shikoni nga perspektiva të ndryshme. Por, ndonjëherë keni probleme me koncentrim dhe veproni para se të mendoni mirë për projektet, thekson Sheehan.

Gishti i madh më i vogël i karakterizon njerëzit të cilët janë të shkëlqyeshëm në kryerjen e shumë gjërave përnjëherë. Janë jashtëzakonisht efikas, dhe përdorin sharmin për t’i bërë të tjerët që të duan idenë e tyre.

Gishti i dytë

Nëse gishti i dytë i këmbës është më i gjatë, ju jeni lider i mirë. Jeni shumë dinamik dhe të gjindshëm, ndërsa ndonjëherë aq shumë insistoni në mënyrën tuaj të punës saqë njerëzit ju përjetojnë si të vështirë dhe të gjithëdijshëm, pohon Sheehan. Sipas folklorit indian, nënat nuk i kanë lejuar bijtë e tyre të martohen me vajzat që kanë gishtin e dytë të këmbës pak më të gjatë, sepse vajzat e tilla pëlqejnë të urdhërojnë për së tepërmi. Njerëzit me gishtin e dytë më të vogël janë të lumtur me gjendjen ekzistuese dhe nuk do të mundohen të ndryshojnë ndonjë gjë.

Gishti i tretë

Kinezët gishtin e tretë e lidhin me energjinë, instinktet dhe vullnetin. Nëse gishti është relativisht i gjatë, kjo do të thotë që njeriu është jashtëzakonisht energjik dhe i gjindshëm, veçanërisht në vendin e punës. Sa më i gjatë që është ky gisht i këmbës, ka më shumë mundësi që do të arrini në karrierë, pohon Sheehan. Këta njerëz janë perfeksionistë, por ndonjëherë aq shumë bllokohen në punë, saqë harrojnë familjen, miqtë dhe argëtimin. Njerëzit me gisht më të shkurtër dinë të shijojnë në jetë. Pëlqejnë të relaksohen dhe nuk shqetësohen lehtë.

Gishti i katërt

Gishti i katërt i gjatë dhe i drejtë do të thotë që jeni person për të cilin familja ka rëndësi thelbësore në jetë. Pakënaqësinë me personat e dashur e tregon gishti i katërt i lakuar. Ju shumë mirë dini t’i dëgjoni të tjerët dhe jeni kujdestar i shkëlqyeshëm, por ju prekin shumë fatkeqësitë që ndodhin në familje. Përveç kësaj, ju prekin edhe problemet e të tjerëve, bën të ditur Sheehan.

Kinezët thonë që jeni shpirt i butë dhe i ndjeshëm,ndërsa në shëndetin tuaj mund të ndikojë çfarëdo problemi në familje. Duheni të relaksoheni dhe të mësoni që të mos e mundoni veten me probleme të huaja. Gishti i shkurtër do të thotë që familja dhe lidhjet për ju nuk janë aq të rëndësishme, sepse jeni të fokusuar në diçka tjetër, pohon Sheehan.

Gishti i vogël

Nëse gishtin e vogël të këmbës e keni më të shkurtër, atëherë jeni fëmijëror, çdo gjë ju mërzitet shpejt, ikni nga përgjegjësitë dhe vazhdimisht kërkoni argëtim, zbulon Sheehan. Dhe nëse mund ta lëvizni me gishtin e vogël të këmbës ndaras nga gishti i katërt, jeni impulsiv, të prirë për aventura dhe sharmant. Nëse nuk mundeni, do të thotë që pëlqeni rutinën, parashikueshmërinë dhe besnikërinë.

Femrave që kërkojnë argëtim dhe net të trenta u nevojitet mashkulli i cili mund të lëvizë gishtin e vogël, por nëse kërkojnë bashkëshort atëherë ata që nuk mund të lëvizin gishtin e vogël janë ideal për këtë rol, thekson Sheehan.

Përshtypja e përgjithshme

Nëse secili gisht është pak më i gjatë se i pari duke krijuar një linjë të rregullt, kjo tregon personat metodikë, precizë dhe shumë praktikë. Ata janë të interesuar për detaje dhe gjithmonë e mbarojnë atë që kanë nisur. Janë miq dhe punëtorë të shkëlqyeshëm.

Forma e shputës së këmbës

Njerëzit me shputë të gjerë kanë shpirt jo të qetë dhe gjithmonë janë në kërkim të argëtimit. Janë më të lumtur derisa bëjnë diçka. Kinezët njerëzit e tillë i konsiderojnë stabil me të dy këmbët në tokë. Nëse keni shputa të gjata dhe të ngushta, atëherë me siguri pëlqeni që t’ju përkëdhelin, ndërsa dikush tjetër të kryejë punën tuaj, pohon Sheehan. Keni ndjenjë për të bukurën dhe pëlqeni që t’ju rrethojnë gjërat e bukura. Për kinezët shputat e tilla janë personifikim i princeshës, e cila mezi prek tokën me këmbë.

Tipat e shputave

Njerëzit me harkun e lartë të shputave janë të pavarur dhe pëlqejnë ta kalojnë kohën e lirë vetëm. Sipas traditës kineze, njerëzit e tillë më së shpeshti janë të karakterizuar si të ngurtë. Nëse keni hark të rrafshuar respektivisht shputa të lëshuara, ju jeni argëtues dhe të tjerët dëshirojnë të jenë në shoqërinë tuaj, thekson Sheehan.

 

Përse tradhëtojnë njerëzit? Ja disa arsye sipas një studimi.

Çfare i shtyn meshkujt apo femrat të tradhtojnë? Një sondazh i fundit i realizuar nga Netdon për sitin Entre.Infideles.com sjell disa përgjigje.Çfarë i shtyn meshkujt apo femrat te tradhtojnë

Sipas 35 % te 2300 të anketuarve, është kënaqësia ajo qe ka me tepër rendësi. Dhe sidomos kënaqësia që nuk ka asnjë lidhje me ndjenjat. 28% kane thënë se ajo çka i shtyn të tradhtojnë është dëshira për të përmbushur pakënaqësitë seksuale nga partneri (ja). Të tjera arsye janë: pasioni i dashurive të reja, adrenalina dhe ndërmarrja e rrezikut, pikantja dhe zbulimet e reja dhe së fundmi shumëfishimi i partnereve.

Ky studim ka treguar edhe një tjetër ndryshim ndërmjet burrave dhe grave. Nëse kënaqësia është motivimi kryesor për meshkujt gjate gjithë jetës, për femrat kjo evoluon me kohen. Ato kërkojnë kënaqësinë si meshkujt kur janë të reja, por pas moshës 50 vjeçare, kërkojnë para se gjithash të rigjejnë pasionin e fillimit të një lidhjeje.

 

Seksi më i këndshëm gjatë plakjes

Seksi për disa e arrin kulmin në të njëzetat, mirëpo lajm i mirë është se me kalimin e kohës seksi bëhet edhe më i këndshëm, sidomos për gratë, të cilat përjetojnë kënaqësi më të madhe gjatë aktit seksual. Edhe pse numri i marrëdhënieve seksuale gjatë një viti sa vjen e zvogëlohet, cilësia dhe kënaqësia në seks rriten.

Trejsi Koks e kishte vëzhguar përvojën seksuale të çifteve nëpër faza të shumta dhe kishte zbuluar se pa marrë parasysh se kuantiteti i marrëdhënieve seksuale është në rënie, cilësia me kalimin e viteve sa vjen e rritet.

Hulumtimi, në të cilin kishin marrë pjesë rreth 2 000 meshkuj, ka treguar se gjatë moshës së tyre 29 vjeçe mesatarisht kishin bërë seks rreth 112 herë, tek ata që kishin kaluar të tridhjetat numri i marrëdhënieve seksuale kishte rënë në 89 herë, ndërsa pas ditëlindjes së 40-të numri kishte rënë në vetëm 69 herë në vit.

 

Web Agency, Digital Agency, Web Development Agency