Speciale/ Mbi 300 vjet familja Mediçi ushtroi ndikim në periudhën e Rilindjes
Dinastia e Firences përbëhej nga afaristë, tregtarë, mbrojtës arti dhe politikanë të etur për pushtet. Ata kishin lidhje në mbarë Evropën. Në ekspozitën e Mannheim-it, Mediçit nuk paraqiten vetëm në rolin e tyre si sundimtarë, afaristë apo politikanë e pushtetarë, por më tepër si personalitete me të gjitha kontradiktat e tyre
Pushtet dhe Pasion
Mbi 300 vjet familja Mediçi ushtroi ndikim në periudhën e Rilindjes. Dinastia e Firences përbëhej nga afaristë, tregtarë, mbrojtës arti dhe politikanë të etur për pushtet. Ata kishin lidhje në mbarë Evropën. Ekspozita “Mediçi – Njerëz, Pushtet dhe Pasion” në Mannheim, përkujton këtë dinasti të shkëlqyer, sepse ekziston një lidhje e rëndësishme e familjes Mediçi me Gjermaninë.
Princesha në Pfalz
Atë që nuk e dinë shumë gjermane është se përfaqësuesja e fundit e familjes Mediçi, Anna Maria Luisa (1667-1743) u martua në vitin 1691 me princin gjerman Johann Wilhelm nga Pfalz-i. 270 vjet pas vdekjes së princeshës së bukur, dalin në pah të dhëna të reja rreth personalitetit të saj.
E varrosur me kurorë
Kufoma e Anna Maria Luisa de Mediçi është ekzaminuar në vitin 2012. Gjatë ekzaminimit shkencëtarët rreth ekipit të kuratorit Wilfried Rosendahl bënë një zbulim të jashtëzakonshëm: kufoma mbante kurorën e burrit të saj. Për këtë ekspozitë kjo kurorë është punuar sipas origjinalit (djathtas në foto). Gjithashtu mund të shikohet edhe një model tredimensional i kafkës së princeshës.
Të tregosh për njerëz
Në ekspozitën e Mannheim-it Mediçit nuk paraqiten vetëm në rolin e tyre si sundimtarë, afaristë apo politikanë e pushtetarë, por më tepër si personalitete me të gjitha kontradiktat e tyre. Shumë burime për këto tregime vijnë nga analizat mjekësore të kufomave të pjesëtarëve të tjerë të kësaj familjeje, që janë zhvarrosur kohët e fundit. Edhe rreth kësaj pune hulumtuese informon ekspozita.
Lorenci i famshëm
Ky ka qenë ndoshta pjesëtari më i njohur i kësaj familjeje: Lorenci i famshëm (1449-1499) që ka qenë një politikan dinak dhe një estet njëkohësisht. Ai u ndihmonte artistëve të tillë si Sandro Boticelli e etj. Edhe në sajë të tij Firence është sot një metropol i jashtëzakonshëm arti. Në foto shihet një bust mermeri nga shekulli i 19-të.
Duka i madh i Toskanës
Cosimo I de Medici (1519-1574) është personifikimi i politikës së pushtetit që e karakterizon këtë familje. Qëllimi i tij politik ishte nxjerrja jashtë loje e këshillit të Firences për t’u bërë sundimtar i vetëm. Kësaj ai ia arriti pak para vdekjes, kur Papa e emëroi Dukë të madh të Toskanës. Cosimo u tregua edhe zemërgjerë: Ai donte t’i thante kënetat në afërsi të Pizës, për të luftuar malarjen.
Në fronin e Pjetrit
Mediçit kishin një pushtet mjaft të gjerë, pasi me transaksionet e tyre bankare ata ushtronin ndikim të lartë edhe në kishën katolike. Kështu disa pjesëtarë të familjes arritën deri tek froni i Pjetrit. Këtu shihet Papa Clemens i VII i Mediçive (1478-1534). Ai ishte përfaqësues i vijës së ashpër: gjatë papatit të tij mbreti anglez Henriku i VIII u shkëput nga kisha katolike.
Ndihmësit e Galile-ut
Mediçit nuk ishin vetëm mbështetës të njohur të artit, por ndihmonin edhe në avancimin e shkencës. Ndër të tjera ata ndihmuan astronomin, fizikantin dhe filozofin e njohur Galileo Galilei (1564-1642). Ky zbuloi për ta hënat e Jupiterit. Këtë zbulim e përkujton ky teleskop i rikosntruktuar në vitin 1906 sipas atij të Galieut.
Qyteti i tyre marramendës
Mediçit si tregtarë, afaristë dhe politikanë të etur për pushtet për rreth 300 vjet ushtruan ndikim të madh në mbarë Europën. Me përkujtimin e tyre na vjen më pranë edhe bukuria e qytetit madhështor të Firences. Këtë e mundësoi protagonistja e kësaj ekspozite, Anna Maria Luisa de Mediçi nga Mannheim, që ia dhuroi këto vepra arti të trashëguara brez pas brezi nga familja Mediçi qytetit buzë Arnos.
DW