Standard.al

Meta kujton Sabri Godon dhe premton: Do kthehemi në shina, populli i kuptoi pasojat që sjell dhunimi i Kushtetutës

0

Presidenti Ilir Meta kujton shkrimtarin dhe politikanin e njohur, Sabri Godo, në ditën e tij të lindjes. Sipas Kreut të Shtetit, Godo qëndroi gjithmonë në anën e duhur të historisë dhe mbrojtjes së interesave kombëtare. Mes të tjerash, Meta shkruan se “Pas dy dekadash populli ynë po e kupton se sa e rëndësishme është mbrojtja e Kushtetutës dhe se cilat janë pasojat që sjell dhunimi i saj”.

Mesazhi i Metës:

Sot është ditëlindja e shkrimtarit dhe politikanit të shquar, Sabri Godo. Na mungojnë sot në veçanti urtësia, toleranca dhe largpamësia e Tij.

Gjithmonë qëndroi në anën e duhur të historisë dhe mbrojtjes të interesave kombëtare.

Dha një kontribut madhor në mbrojtje te demokracisë dhe Republikës përmes rolit të Tij krucial si Bashkëkryetar i Komisionit për Kushtetutën që u votua me Referendum në Nëntor 1998.

Pas dy dekadash populli ynë po e kupton se sa e rëndësishme është mbrojtja e Kushtetutës dhe se cilat janë pasojat që sjell dhunimi i saj.

Rivendosja e themeleve të demokracisë, të shtetit të së drejtës dhe Llogaridhënies është detyrimi ndaj së ardhmes europiane të vendit por edhe i nderimit të veprës dhe kontributeve të gjithë personaliteteve që do të kishin dashur sot ta shihnin në progres vendin e tyre.

Do kthehemi në shina! 🇦🇱

Leave A Reply

Your email address will not be published.

This site uses Akismet to reduce spam. Learn how your comment data is processed.