Tërmeti tragjik i 26 nëntorit përveç 51 viktimave, qindra të plagosurve dhe mijëra banesave të rrënuara, ka lënë dëmtime të mëdha edhe disa shkolla në Tiranë, Durrës dhe Lezhë, që ishin tri qarqet më të prekura.
E dëmtuar është edhe gjimnazi “Sami Frashëri”, në Tiranë, i cili aktualisht është jashtë funksionit.
Në videon që gazetarja Erjola Jata dërgon për “BalkanWeb”, shihet se kjo ndërtesë është rrethuar nga shiriti i kuq, që tregon se brenda saj nuk mund të futet asnjë dhe nuk mund të nisë aktiviteti i zhvillimit të mësimit.