Kreu i Hipotekës, Valdrin Pjetri është thirrur në Komisionin e Medias për të dhënë sqarime sa i takon çështjes së truallit të Teatrit Kombëtar. Që në nisje të mbledhjes, kryetarja e komisionit, Albana Vokshi i tërhoqi vëmendjen kryeregjistrusit pasi nuk paraqitet para Kuvendit informacionet e kërkuara. “Nuk na i keni vënë në dispozicion hartën e pronësisë për zonën e teatrit Kombëtar. Jam e sigurt me urdhër nga lart, keni refuzuar të na jepnin informacionin e kërkuar”, tha Vokshi.
Replikat në Komision:
Pjetri: E keni informacionin
Vokshi: Informacioni i sjellë në komision, i pasaktë
Pjetri: S’kam patur kohë të sjell informacione të tjera. Sqarojmë se zyra mund të japë informacion vetëm për truallin me pronar shtetin. Për të tjerat, askush s’mund të nxjerrë informacion.
Vokshi: Citimet që ju bëni në ligj s’janë të sakta. Po bazohemi në një ligj specific që është miratuar me votat e mazhorancës. Në bazë të ligjit do ketë specifikime. Kontrolluesi nuk është i detyruar të informojë subjektin. Nëse duhet ne bëjmë përpunimin e të dhënave dhe të ruajmë konfidencialitetin.
Pjetri: Mbrohen nga ligji për të dhënat personale. Nëse ata japin pëlqimin informacioni jepet
Vokshi: Justifikimet mbi këto ligje janë të pasakta. Ju nuk keni të drejtë të refuzoni informacionin e klasifikuar. Ju kanë urdhëruar të refuzoni informacionin
