Për kreun demokrat, Lulzim Basha nuk ka pasur asnjëherë në 26 vite nisje më të trishtë e universiteteve se sa ditën e sotme.
Teksa thotë se gjysma e auditorëve është bosh, Basha shprehet se këto janë rezultatet e pseudoreformës së qeverisë.
Opozita thotë se përveç se maturantët nuk mund të regjistrohen në degët e preferuar, më të mirët u detyruan të bënin zgjedhje të degëve jo me emër ose shkuan në universitete private.
Basha: Nuk ka pasur në këto 26 vite nisje me te trishte te universitetit se sa sot. I lanë bosh gjysmën e auditorëve, për shkak te politikes armiqësore me maturantet.
Gjysma e këtyre 18 vjeçarëve ëndërrimtare e idealiste, janë rrugëve, ende pa përgjigje, ne pritje te tepricave qe do lere reforma e Edi Ramës. Po para kesaj, ata e te gjithë maturantet e vendit kaluan 2 muaj ferri, sepse nuk ishin ne dorën e meritës e aftësive, mundit e djersës, por nën masën arbitrare, skandaloze te Edi Ramës, i cili ndryshoi papritur rregullat e lojës. Dekani i Ekonomikut në UT, thotë se maturantet me të mire kanë bërë zgjedhje nën presion, ose tek privati, ose në degë jo me emër, nga dëshpërimi për të mos humbur krejtësisht 3 vitet e maturës. Dramë e madhe. S’ka si quhet ndryshe kjo e Edi Rames qe vazhdon ta pompoje si sukses.
