Ajo është ndër këngëtaret më të talentuara shqiptare. Me një zë të jashtëzakonshëm, Anxhela Peristeri në çdo kompeticion që ka marrë pjesë ka veçuar nga të tjerët. Sot e ftuar në emisionin e mëngjesit në Top Channel, Anxhela ka lënë për një moment mënjanë karrierën, dhe ka folur për martesën.
Me shaka Anxhela është shprehur se nuk e di nëse ndonjëherë do të martohet pasi është shumë e lidhur me familjen e saj. Këngëtarja ka treguar se vazhdon të jetojë me familjen, dhe se ndarja me ta i duket shumë e vështirë. Marrëdhënien më të ngushtë ajo e ka me të atin.
‘Unë jetoj ende me prindërit. Vetëm babi ka të drejtën të më zgjoj nga gjumi, askush tjetër. Kemi qenë gjithmonë shumë të ngushtë me njëri-tjetrin. Kur isha 20-vjeç që shkova në Greqi sikur u bëra pak më e pavarur”,-është shprehur Anxhela.
Sa i përket pyetjes se nëse është në një marrëdhënie, Anxhela është shprehur se vazhdon të jetë “Single”.
