Teksa kreu i PD-së Sali Berisha ndodhet në arrest shtëpie për dosjen ‘Partizani’, avokatët e tij kanë kërkuar që të përjashtimin e gjyqtares së çështjes Irena Gjoka.
Ata pretendojnë se Gjoka është në kushtet e papajtueshmërisë, për shkak të ekzistencës së një vendimi të Gjykatës Administrative të Athinës, të vitit 2004, për ndalim të lëvizjes së Gjokës në zonën Shengen për 10 vite, vendim që nuk e ka deklaruar në formularin e vetëdeklarimit.
Në seancën e 14 majit avokatët ftuan gjyqtaren Gjoka të hiqte dorë nga gjykimi, duke i prezantuar vendimin e palës greke, si edhe një kopje të gazetës “Protothema”, ku ishte publikuar vendimi.
