Aleksandar Vulin, që është pjesë e listës së zezë të Shteteve të Bashkuara të Amerikës, është propozuar për zëvendëskryeministër në Serbi.
Mandatari për kryeministër të Serbisë, Milosh Vuçeviqç ka propozuar përbërjen e qeverisë së re të martën, raporton “B92”.
Vuçeviç ka propozuar në postin e zëvendëskryeministrit Aleksandar Vulinin, i sanksionuar nga SHBA.
Ministër i Jashtëm dhe zëvendëskryeministër është propozuar Marko Gjuriç.
Ministër i Mbrojtjes është propozuar Bratislav Gashiç.
Ministër i Brendshëm është propozuar Ivica Daçiç.
Vulin u fut vitin e kaluar në listën e zezë nga Thesari i SHBA-së, për përfshirje në afera korruptive për “të shtyrë përpara agjendat e tij politike dhe interesat e tij personale në kurriz të paqes dhe stabilitetit në Ballkanin Perëndimor”.
Vulin njihet për lidhje të forta me Rusinë. Në të kaluarën ka shërbyer edhe si kryetar i BIA-s serbe dhe ishte larguar pas sanksionimit nga SHBA.
Edhe ministri i Jashtëm, Gjuriç së fundmi është raportuar se ka takuar udhëheqësin e grupit terrorist të sulmit në Banjskë, Milan Radoiçiç.
Edhe Nenad Popoviç, i propozuar si ministër pa portofol, është pjesë e listës së zezë të SHBA-së për shkak të lidhjeve me Rusinë.