Protesta e studentëve në Prishtinë, ka vazhduar edhe sot me kërkesën për shkarkimin profesorit të Universitetit të Prishtinës, Xhevat Krasniqi, i cili po akuzohet nga studentët për ngacmim s*ksual.
Studentët nuk po e lejojnë të dalë nga salla, ku është mbajtur mbledhja e Këshillit të Etikës të Universitetit të Prishtinës.
Profesori Xhevat Krasniqi, po akuzohet nga 27 studentë për ngacmim s*ksual. Lëvizja Feministe Studentore, për të disatën ditë me radhë po proteston para rektoratit të UP-së, e kësaj radhe në sallën e Administratës Qendrore të UP-së, ku edhe nuk lejuan daljen e profesorit nga salla, ku kanë hyrë edhe zyrtarët policorë.