Të shtëna me armë zjarri raportohet të jenë dëgjuar në Kosovë mbrëmjen e kaluar, ku si pasojë një person ka humbur jetën dhe një tjetër është plagosur.
Ngjarja ka ndodhur rreth orës 21:15 në rrugën “Jeronim de Rada” në Prishtinë dhe policia vendase konfirmon se viktimë ka mbetur shtetasi Egzon Haziri (rreth moshës 30 vjeçare), dhe e plagosur ka mbetur një femër identiteti i të cilës ende nuk bëhet me dije. Raportohet se kjo e fundit është nisur drejt spitalit për ndihmë mjekësore dhe ndodhet në gjendje kritike për jetën.
Ende nuk dihen shkaqet dhe rrethanat e ngjarjes, ndërsa rasti është nën hetim nga autoritetet.
Lajmin e ka konfirmuar edhe zëdhënësi i Policisë për Prishtinën Agron Borovci.
“Rreth orës 21:15, është raportuar për gjuajtje me armë zjarri të ndodhur në rrugën “Jeronim De Rada” në Prishtinë. Me të marrë informatën, policia ka dalë në vendin e ngjarjes dhe nga informacionet e para është bërë e ditur se për pasojë dy persona kanë marrë plagë nga arma e zjarrit ku fatkeqësisht njëri nga ta ka ndërruar jetë”, tha Borovci.
LAJM I NDËRLIDHUR :
Vrasja në Prishtinë/ Identifikohet viktima dhe autorët e shpallur në kërkim