Senol Gunesh, është një prej kandidatëve për ta drejtuar Përfaqësuesen e Kosovës në futboll.
Kështu kanë raportuar ditën e sotme mediat në Turqi.
“Aspor” shkruan se trajneri turk, Gunesh ka marrë ofertë nga Federata e Futbollit e Kosovës.
Sipas sajtit turk, krahas Gunes në listë FFK-ja e ka edhe Roberto Carlos.
“Senol Gunes-it i ka ardhur një ofertë nga Përfaqësuesja e Kosovës. Thuhet se së bashku me Senol Gunes në listën e Kosovës është edhe Roberto Carlos, i cili ka luajtur për Fenerbahçen në Turqi dhe për një kohë ka punuar si trajner i Sivassporit dhe Akhisar Belediyespor”, shkruan ndër të tjera sajti turk.
Gunes ka një karrierë të jashtëzakonshme si trajner.
Ai e ka udhëhequr Kombëtaren e Turqisë më parë, në dy periudha.
71-vjeçari ka qenë trajner në disa skuadra turke, ndër to edhe gjiganti Beshiktash.
Kështu shkruajnë mediat turke këtë të diel, duke shtuar se Federata e Futbollit e Kosovës e ka në listë edhe Roberto Carlosin.
Ky i fundit ka një karrierë të madhe si futbollist. Ka luajtur për Kombëtaren e Brazilit dhe gjigantin botëror, Real Madrid.
