Pasi dështoi me hapjen e negociatave me Brukselin, kryeministri Edi Rama u shfaq në Romë.
Këtë herë, kryeministri u takua me homologen italiane, Giorgia Meloni dhe kryeministrin britanik, Rishi Sunak.
Në qendër të takimit ishte pikërisht çështja e kampeve të refugjatëve.
Rama u shpreh besimplotë se marrëveshja me Italinë do të zbatohet. Ndërsa gazeta britanike Daily Mail shkruan se Edi Rama mund të marrë në Shqipëri edhe refugjatët që shkojnë në Britaninë e Madhe.
Vetë Meloni bëri një postim online, ku konfirmoi se ishte diskutuar për të zgjidhur çështjen e emigracionit të paligjshëm.
“Takimi konstruktiv sot në Palazzo Chigi me kryeministrin e Mbretërisë së Bashkuar, Rishi Sunak dhe kryeministrin e Republikës së Shqipërisë, Edi Rama.
Së bashku ne ramë dakord për nevojën për të trajtuar imigracionin e paligjshëm në Europë në një mënyrë gjithnjë e më të strukturuar dhe për nevojën për të intensifikuar më tej bashkëpunimin midis kombeve tona për të luftuar trafikantët e qenieve njerëzore.
Ne ritheksuam gjithashtu rëndësinë e arritjes së një stabilizimi përfundimtar të Ballkanit Perëndimor, edhe në bazë të progresit të bërë së fundmi në procesin e zgjerimit në rajonin e Bashkimit Europian,” shkroi Meloni.
Edi Rama, kryeministri i kryqëzuar nga e majta europiane, po josh kryeministrat konservatorë në Europë, duke premtuar se do u marrë refugjatët.