Deputeti i Partisë Demokratike, Flamur Noka, ndonëse është i përjashtuar nga seancat plenare për 10 ditë, ai nuk e ka njohur vendimin e marrë nga Sekretariati i Etikës.
Ai tha për mediat jashtë sallës së Kuvendit se nuk njeh asnjë vendim të Lindita Nikollës.
“E ruajnë godinën, a thua se Sulltan Murati ka zbritur këtu dhe ruan Kështjellën e Lindës. A ka demokraci këtu? prej kujt e ruajnë Parlamentin! Nuk jam i përjashtuar, nuk respektoj asnjë vendim të Lindës dhe të kamikazëve të Ramës. Nuk është hera e parë kjo gjë.”, tha ai.
