Një aksident rrugor me pasojë vdekjen ka ndodhur mbrëmjen e sotme në qytetin e Bulqizës.
Mësohet se nga përplasja mes dy mjeteve ka humbur jetën 25-vjeçari E.Nika.
Ndërsa dy persona të tjerë, Y.R. dhe D.S. kanë mbetur të plagosur dhe janë dërguar në spital.
Aksidenti ka ndodhur në aksin rrugor që lidh qytetin e vjetër me qytetin e ri dhe u përfshinë një makinë Benz dhe një Volkswagen Polo. Mësohet se viktima ka qenë nën drejtimin e mjetit Volkswagen Polo, ndërsa i plagosuri Y.R. drejtonte automjetin tjetër.
Shkak për aksidentin dyshohet shpejtësia dhe lagështira në rrugë, teksa pritet ekspertiza nga grupi hetimor i policisë.
