Pas marrëveshjes së firmosur nga Edi Rama dhe homologia e tij italiane Georgia Meloni për pritjen e refugjatëve në Shëngjin, banorët e Lezhës kanë njoftuar një protestë sot, në orën 15:00.
Ata deklarojnë se nesër është dita e marshimit që Lezha e Besëlidhjes të mos kthehet në Lampedusa.
“Shndërrimi i Lezhës së Besëlidhjes në një Lampedusa të dytë është e papranueshme! Shndërrimi i Shëngjinit në kazan emigrantësh, nuk do të lejohet! Nesër marshojmë për të ardhmen tonë, të familjeve tona, për Lezhën! Mos prano përdhosjen e Lezhës dhe Shqipërisë! Bashkohu nesër ne orën 15:00, në shëtitoren e Drinit, tek ish aneksi dhe MARSHO!”, thuhet në njoftimin e protestës.