Një aksident me pasojë vdekjen ka ndodhur në aksin rrugor “Korçë-Bilisht”, pranë kryqëzimit të fshatit Zëmblak, Maliq ditën e sotme.
Mësohet se automjeti me targa greke ka përplasur për vdekje një 14 vjeçare.
Policia dhe grupi hetimor kanë mbërritur në vendin e ngjarjes dhe po bëjnë të mundur zbardhjen plotë të saj.
Njoftimi:
Maliq/Informacion paraprak
Më datë 31.10.2023, rreth orës 11:00, në aksin rrugor “Korçë-Bilisht”, pranë kryqëzimit të fshatit Zëmblak, Maliq, automjeti tip “Opel” me drejtues shtetasin I. K., ka përplasur një shtetase 14-vjeçare, këmbësore në rrugë, e cila për pasojë ka humbur jetën.
Më drejtuesin e automjetit po kryhen veprimet e mëtejshme procedurale.
Grupi hetimor po punon për sqarimin e rrethanave të aksidentit.
