Rënia e euros. pse po ndodh? Çfarë do të thotë? Kush përfiton?”- Kaq thjesht e ka përmbledhur, Kryetari i PD-së, Sali Berisha, qëllimin e një takimi të zgjeruar që do të zhvillohet sot në selinë e Partisë Demokratike, i cili do të synojë t’u japë përgjigje këtyre pyetjeve esenciale që po rëndojnë këta muaj mbi familjet shqiptare, kur dihet se pjesa më e varfër mbijeton me paratë që i dërgohen nga emigrantët.
Për këtë, Berisha i ka ftuar qytetarët të ndjekin direkt në media, në orën 11:00, takimin ku do të diskutohet mbi këtë temë me anëtarët e Departamentit të Ekonomisë, Financës, Bujqësisë dhe Sipërmarrjes në PD.
