Është dhënë masa e sigurisë për tre ushtarakët e arrestuar lidhur me drogën e gjetur në repartin e Zall-Herr.
Ndaj tre të arrestuarve Gramoz Mullai, 52 vjeç, me detyrë Shef Seksioni i Sigurisë; Rustem Koçi, 25 vjeç, me detyrë Specialist për Zbulimin; Gentian Zhurda, 45 vjeç, me detyrë Specialist Sigurie, është vendosur masa e sigurisë “Arrest me burg”.
Gjatë seancës 3 të dyshuarit nuk e kanë pranuar autorësinë e veprës penale. Ata theksuan se 140 hektarë toke është e pamundur për t’u kontrolluar e gjitha.