Përkeqësimi i motit ka sjellë dallgëzim të lartë në bregdet duke bërë që të vështirësohen lundrimet e anijeve dhe trageteve.
Po ashtu plazhet kryesore të vendit janë boshatisur nga turistët si dhe disa qytetet rrezikohen nga përmbytja.
Në Shëngjin fluksi i lartë i automjeteve krijoi trafik të rënduar për shkak të turistëve që po largoheshin nga moti i keq.
Në Derëzezë të Fierit, pushuesit boshatisën plazhin duke pushimet e tyre këtë fundjavë. E gjithë zona bregdetare është e zbrazur ndërsa reshjet e shiut kanë trazuar dhe detin, duke e bërë të pamundur lundrimin në këtë zonë.
Në Vlorë reshjet e rëna me intensitet sollën probleme në disa rrugë të qytetit, në lagjen 1 Maj, 24 Maj si dhe në disa pika problematike në zonën e Skelës. Edhe pse mungojnë njerëzit në plazhe numri i lartë i automjeteve që kanë hyrë ka sjellë trafik të rënduar këtë fundjavë dhe në qytetin e Vlorës.
Moti i paqëndrueshëm pritet ta shoqërojë vendin tonë gjatë gjithë kësaj fundjave.
