Prej ditës së djeshme, Policia e Shtetit ka nisur kërkimet për arrestimin e ish-zv.kryeministrit Arben Ahmetaj.
Konkretisht, Drejtoria kundër Krimit Ekonomik ka nisur kontrollet në disa banesa të Ahmetajt për ta gjetur atë fizikisht.
Kërkime janë bërë edhe në banesat e familjarëve të Ahmetajt. Kërkimet do të vazhdojnë edhe në ditët në vijim.
Shpërndarja e urdhër-arrestit në strukturat e policisë erdhi pasi Gjykata e Shkallës së Parë kundër Korrupsionit dhe Krimit të Organizuar, miratoi kërkesën e prokurorisë për masën arrest në burg në mungesë për ish-zyrtarin e lartë.
Krahas kërkesës drejtuar gjykatës për masën me burg, SPAK mësohet se i kishte kërkuar policisë paraprakisht informacion për vendndodhjen e Arben Ahmetajt, gjë e cila është vënë në dispozicion nga ana e Policisë së Shtetit.