Policia në Nevada ka konfirmuar se kanë dhënë një urdhër-kontrolli në një banesë ku besohet se ka të dhëna lidhur me vrasjen e pazbardhur të reperit Tupac Shakur. Detektivët kryen kontrollin në një shtëpi në Henderson, një periferi të Las Vegas ku Shakur u qëllua për vdekje në shtator 1996.
Policia Metropolitane e Las Vegas nuk dha detaje të mëtejshme, duke u shprehur vetëm se hetimi ishte ende në vazhdim.
“LVMPD mund të konfirmojë se një urdhër kërkimi është dorëzuar në Henderson, Nevada më 17 korrik 2023, si pjesë e hetimit të vazhdueshëm për vrasjen e Tupac Shakur. Nuk do të bëjmë asnjë koment të mëtejshëm,”- thuhet në një deklaratë të policisë së Las Vegas.
Shakur ishte 25 vjeç kur u vra. Deri më tani, asnjë i arrestuar nuk është bërë i dyshuar dhe as nuk është akuzuar për ngjarjen.
Nënkoloneli i policisë së Las Vegasit Jason Johansson i tha Las Vegas Review Journal se detektivët po punonin edhe një herë për rastin.
“Është një rast që ka mbetur i pazgjidhur dhe shpresojmë se një ditë ne mund ta ndryshojmë atë,”- i tha ai BBC.
Shakur, emri i skenës së të cilit ishte stilizuar si 2Pac, publikoi albumin e tij debutues në 1991 dhe vazhdoi të shijonte suksesin e listave me hite, duke përfshirë California Love, All Eyez on Me, Changes dhe I Ain’t Mad at Cha. Ai vdiq më 13 shtator 1996, një javë pasi u qëllua katër herë në makinën e tij ndërsa priste në semafor të kuq. Shakur shiti më shumë se 75 milionë disqe në mbarë botën./BBC