Dy persona mbetën të plagosur, si pasojë e një aksidenti të regjistruar mëngjesin e sotëm në vendin e quajtur “Kthesa e Libohovës”, në Gjirokastër.
Sipas policisë, si pasojë u plagosën drejtuesi i mjetit dhe bashkëshortja e tij.
“Rreth orës 07:40, në vendin e quajtur “Kthesa e Libohovës”, shtetasi J. V., duke drejtuar automjetin tip “Peugeot”, dyshohet se ka humbur kontrollin dhe automjeti ka dalë nga rruga.
Për pasojë janë dëmtuar drejtuesi i automjetit, shtetasi J. V., 32 vjeç, dhe pasagjerja në këtë automjet, shtetasja S. V., 30 vjeçe (bashkëshortja e 32-vjeçarit), të cilët po marrin ndihmën mjekësore në spital”, ben me dije policia.
Grupi hetimor po punon për zbardhjen e shkaqeve të aksidentit.
