Një 16-vjeçar është mbytur në një depozitë me ujë dhe fatkeqësisht ka ndërruar jetë. Ngjarja ka ndodhur në Çekrezë të Kamzës.
Lajmin e bëri të ditur Policia përmes një njoftimi, por nuk dha detaje shtesë rreth mënyrës sesi ka ndodhur ngjarja.
Ndërkohë grupi hetimor po punon për sqarimin e plotë të rrethanave të ngjarjes.
“Kamëz-Më datë 15.07.2023, rreth orës 21:20, në Çekrezë, dyshohet se është vetëmbytur në një depozitë uji, një i mitur 16 vjeç. Grupi hetimor po punon për sqarimin e rrethanave të ngjarjes.”
Njoftimi i Policisë së Tiranës
