Sekretari i Përgjithshëm i Partisë të Lirisë ka postuar në Facebook nje video ku kryebashkiaku Veliaj në një deklaratë për mediat del dhe thotë se: “policia bashkiake ka një sjellje të respektueshme ndaj qytetarëve, nuk i qëllojnë gratë, dhe janë gjthnjë në shërbim të qytetarëve”. Mirëpo pamjet e tjera vërtetojnë ndryshe. Në videon e postuar të shumtë janë qytetarët të cilët ankohen për gjobat abuzive, rrëmbim dhe shkatërrim të pronave të ligjshme, hedhja në rrugë të madhe e fëmijëve, burrave, grave dhe të moshuarve!
“Nuk e dimë janë policë në të vërtetë apo janë banditë?” – shprehet një qytetar.
Në mbishkrimin e kësaj videoje Blushi shkruan se kjo është fytyra e vërtetë e Erion Veliaj. Dhuna !
Njëkohësisht ai u bën thirrje qytetarëve se më 14 maj duhet të votojnë për ndryshimin, në mënyrë që Tirana të bëhet e jetueshme, përfshirëse, e drejtë, e dhembshur dhe frymëzuese, që u jep jetë ëndrrave të fëmijëve. Kjo do të ndodh vetëm me Belind Këlliçin në krye dhe planin e tij konkret.
Postimi i plotë:
Dhuna është fytyra e vërtetë e Erion Veliaj!
Sjellje shtazarake ndaj atyre që luftojnë për bukën e gojës!
Rrëmbim dhe shkatërrim të pronave të ligjshme dhe hedhja në rrugë të madhe e fëmijëve, burrave, grave dhe të moshuarve!
Gjoba abuzive ndaj qytetarëve!
“Muskujt” me të dobëtit, “pulë” para të fortëve!
Tirana do të ndahet njëherë e përgjithmonë nga ky model!
Ndryshimi është në duart tuaja duke votuar më 14 Maj për Belind Këlliçin dhe planin e tij konkret për një Tiranë të jetueshme, përfshirëse, të drejtë, të dhembshur dhe frymëzuese, që u jep jetë ëndrrave të fëmijëve tuaj!
#BashkeFitojme #14Maj #Tirana #Fitore #NdryshimMeCdoCmim
