Policia e Tiranë ka arrestuar shoferin e autobusit të linjës së Krrabës, i cili u përplas duke marrë disa makina para në rrugën e Elbasanit para 2 ditësh.
Shoferi G. Q., 31 vjeç, banues në Tiranë, është arrestuar me akuzën “Shkelja e rregullave të qarkullimit rrugor”.
“Specialistët e Qarkullimit Rrugor arrestuan shtetasit: G. Q., 31 vjeç, banues në Tiranë, për veprën penale “Shkelja e rregullave të qarkullimit rrugor”, pasi duke drejtuar autobusin e linjës së Krrabës, në Rrugën e Elbasanit, ka humbur kontrollin mbi drejtimin e autobusit. Për pasojë autobusi është përplasur me një automjet të parkuar dhe më pas është përmbysur. Nga aksidenti kanë mbetur të dëmtuar drejtuesi i autobusit dhe 5 pasagjerë, të cilët ndodhen jashtë rrezikut për jetën.” – njofton policia.
