Kandidati i Partisë Demokratike për Kurbinin, Behar Haxhiu përmes një postimi në rrjetet sociale, ka denoncuar punimet skandaloze që janë bërë në këtë bashki, për rindërtimet pas tërmetit tragjik të 2019-ës.
Së bashku me fotot e publikuara, Behar Haxhiu shkruan se rilindjes kanë nisur ti bien fasadat e rindërtimit në këtë bashki.
Postimi i plotë:
Skandali, bien fasadat e rindërtimit në Kurbin‼
Punimet jo cilësore, pasojë e tenderave abuziv kanë sjellë dëmtimin e fasadave në objektet e dëmtuara nga tërmeti që janë rikonstruktuar në kuadër të rindërtimit.
Këto pamje i përkasin fasadave të dëmtuara në pallatet pesë katëshe në qytetin e Laçit, teksa rënia e këtyre fasadave përbën dhe një kërcënim për jetën e qytetarëve.
Kompanitë nënkontraktuese për rikonstruksionin e këtyre objekteve kanë detyrimin të kryejnë punime cilësore në bazë të kontratës që kanë nënshkruar, teksa monitorimi i tyre nga ana e institucioneve duhet të jetë rigoroz dhe i vazhdueshëm.