Deputeti i PD, Tritan Shehu, e ka përkutuar me mall sot në 60-vjetorin e lindjes, mikun dhe bashkëudhëtarin e tij të viteve të para të të përpjekjeve për demokraci e pluralizëm, Azem Hajdarin.
“Sot Azemi do të ishte 60 vjeç! Sa i madh, i rritur, na dukej atëherë kur ishte vetëm në të njëzetat! – shkruan Shehu, – Ishte krejt i veçantë. I lindur për të realizuar ndryshimet e mëdha të shumëpritura! Për t’i prirë njerëzve. Për të vrarë frikën si një lëmsh i zjarrtë. Për të qenë në krye të lëvizjeve popullore. Dhe sot na mungon shumë! Do ta kujtojmë gjithmonë ashtu siç ishte kur u ndamë”, përfundon deputeti.
