Belind Këlliçi, kandidati i opozitës për bashkinë e Tiranës, duke ecur lirisht i vetëm rrugëve të Tiranës, ka mundësinë që të dëgjojë e të prekë problemet reale të bashkëqytetarëve të tij , një mundësi që nuk ia ka dhënë kurrë vetes tërë këto vite, kryebashkiaku Erion Veliaj.
“Juve nuk ju duhet një kryebashkiak që e vret kohën nëpër emisione televizive, një që kënaqet me jehonën e zërit të tij, – gjykon Këlliçi. – Bashkisë i duhet një administrator për t’i dhënë zgjidhje problemeve të përditshme të Tiranës, e jo një fotomodel që kuron imazhin e tij. Kam zgjedhur të flas me ju nga afër, sepse jam i bindur se kjo është e vetmja mënyrë për t’ju dëgjuar dhe përballur me kritikat tuaja”, shkruan deputeti demokrat që i është futur betejës së vështirë elektorale për të fituar bashkinë më të madhe të vendit.
