Komisioni Qendror i Zgjedhjeve vendos nesër mes Enkelejd alibeaj dhe Sali Berishës se cila prej dy Partive Demokratike do të zyrtarizohet në zgjedhjet vendore të 14 majit.Lidhur me këtë çështje, i ftuar në emisionin “Ora e Betit” në RTV Ora ishte avokati i njhur Genc Gjokutaj.Situata është sa anormale, antiligjore dhe antidemokratike. Nuk mendoj se rruga e duhur si duhet vepruar është ajo e ambasadores. Ajo ka dy muaj pa u shfaqur publikisht. Sepse nuk po flitet për procesin që po ndodh në Gjykatë, por për ambasadoren. Atëherë e të flasim për të. Por ka një palë tjetër që është pala jonë dhe fati i gjithë këtij procesi vendoset në Shqipëri, përtej interesimit të partnerëve ndërkombëtarë. Kjo është si një aksiomë e dhënë, pa vërtetim. Dhe ne nuk mund ti anashkalojmë këto sepse një ambasador në momente të caktuara ka vendosur të jetë ndryshe.Sepse nëse ti vendos dhe unë dëmtohem nga kjo, kjo nuk është në interesin tonë. Një pyetje ka 3 përgjigje: çfarë thotë partia, çfarë thotë gjykata dhe çfarë thotë ambasada. Dhe kjo nuk mund të jetë kështu”, u shpreh Gjokutaj.
