Pas përjashtimit të 24 deputetëve demokratë, opozita nuk është tërhequr nga kërkesa e saj për zhvillimin e mocionit me debat me kryeministrin Edi Rama dhe ngritjen e komisionit hetimor për skandalin Rama-Mcgonigal.
Që në nisje të seancës Lindita Nikolla kishte angazhuar Gardën e Republikës për të penguar deputetët demokratë, edhe pse ata u paraqitën me një ankimim në Byronë Hetimore, që sipas rregullores pezullon vendimin për përjashtim.
Pas pengimit nga garda dhe komunikimit se Kuvendi nuk e pranon kërkesën e tyre, deputeti Oerd Bylykbashi u shpreh se këto veprime janë shkelje flagrante të Kushtetutës.
Ndërkohë përjashtimet nuk e kanë penguar opozitën që të vijojë me kërkesën për mocionin me debat dhe komisionin hetimor, por edhe këtë herë u përballën me ndërprerje fjale nga Lindita Nikolla.
Ndërsa deputetët demokrat qëndronin në foltoren e Kuvendit, Lindita Nikolla refuzoi t’u jap fjalën, ndërsa vijoi punimet me rendin e ditës.