Identifikohet personi që u gjet i pajetë në aksin Elbasan-Peqin 3 ditë më parë.
Mësohet se viktima është shtetasi Dalip Xhakoi, 55 vjeç, banues ne fshatin Vidhas, Elbasan.
Ai u gjet i pajetë mëngjesin e 22 dhjetorit në aksin Elbasan-Peqin, pranë fshatit Paper.
Dyshimet janë se ai është aksidentuar dhe është lënë në rrugë, ndërsa drejtuesi është larguar.
Policia në një njoftim kërkoi ndihmën e qytetarëve për identifikimin e viktimës, ndërsa në një foto tregohet dhe kapelja që ai ka pasur.
“Policia kërkon ndihmën e qytetarëve, për identifikimin e një shtetasi që u gjet i pajetë në datën 22.12.2022, në aksin rrugor Elbasan-Peqin, në fshatin Papër. Nga veprimet hetimore paraprake dyshohet se ky shtetas ka humbur jetën pasi është aksidentuar nga një drejtues automjeti, ende i paidentifikuar, i cili është larguar nga vendngjarja,” – njoftoi policia.
