Analisti nga Kosova Xhevdet Pozhari ka reaguar në lidhje me tensionet në veri dhe interesin e mediave nga Shqipëria.
Në postimin e tij në Facebook, Pozhari shpreh ngurrimin e tij për t’ju përgjigjur këtij interesi pasi nuk ndihet i sigurtë nëse duhet ta thotë atë që mendon.
‘Përpiqem të rezistojë që mos ta them zëshëm atë që e mendoj, se Rama qasjen e ka të tillë ngaqë e din se nuk ndëshkohet me votë. Sikur të ishte e kundërta, nacionalizmi i Albin Kurtit do të na dukej lule karshi vrullit të Ramës!’, shkruan Pozhari.
POSTIMI I PLOTE
Kërkesa të panumërta nga mediat e Shqipërisë për situatën në veriun e Kosovës.
Dhe, unë që ngurroj kësaj here të përgjigjem ngaqë nuk ndjehem i sigurtë nëse duhet ta them atë që e mendoj! Se nuk është problemi veç tek ajo se si deklarohet dhe vepron Rama, por se ajo që dikur konsiderohej tradhti thuajse u legjitimua në mënyrë institucionale me qeverisjen e tij.
Pra, përpiqem të rezistojë që mos ta them zëshëm atë që e mendoj, se Rama qasjen e ka të tillë ngaqë e din se nuk ndëshkohet me votë. Sikur të ishte e kundërta, nacionalizmi i Albin Kurtit do të na dukej lule karshi vrullit të Ramës!
Rama sundon në një shoqëri që e ka legjitimuar pushtetin e tij, bashkë me kufijtë mendorë të një politike që më të afërt në mendësi e ndjen Vuçiçin sesa gjakun e tij!
