Qeveria ka vendosur ditë pushimi zyrtar 6 dhjetorin, ditën kur në Tiranë do të mbahet samiti BE-Ballkani Perëndimor.
Kjo do të thotë që më datë 6 dhjetor, administrata dhe shkollat do të jenë pushim.
Ky vendim vjen për shkak të masave të sigurisë që janë marrë për ditën kur do të zhvillohet samiti, pasi në Tiranë do të mblidhen të gjithë liderët europianë.
45 delegacione pritet që të vijnë në kryeqytet për këtë samit.
I gjithë bulevardi do të jetë me perimetër sigurie. Aty nuk do të lejohet të kalojë askush që është i paakredituar.
Kurse qytetarët që duan të udhëtojnë drejt Rinasit, duhet të gjejnë rrugë të tjera alternative pasi rruga kryesore do të jetë e bllokuar gjithashtu.
