‘Nderim për rezistencën e grave të Iranit dhe të Afganistanit’

Në fakt, rregulla të tilla shtypëse e diskriminuese, siç është përdorimi i “burkës”, poligamia, mohimi i së drejtës për arsim, jetë sociale etj, takohen edhe në vende e shoqëri të tjera, duke përbërë një rrezik real me përhapjen e tyre në emër të deformimit të fesë.Shqipëria, fatmirësisht është një vend evropian e perëndimor, ku të tilla ideologji represive gjejnë pak hapësira.

Megjithatë solidarizimi me luftën e atyre grave dhe pjesëve progresive të shoqërive në ato vende larg nesh, është jo vetëm një obligim moral por është edhe një mënyrë parandalimi e përhapjes së të tilla fenomeneve në shoqërinë tonë, për sot dhe për nesër.

Prandaj krahas luftës së përditshme kundër krimeve ordinere ndaj gruas, nuk duhet të mos jemi sensibël dhe ndaj atyre dukurive.

Nuk mund të qëndrojmë indiferentë e të mos solidarizohemi me përpjekjet madhore që po bëjnë e do të bëjnë jo vetëm gratë kundër atyre “rregullave” mizore, që nën petkun e fesë kanë për qëllim të përjetësojnë shtypjet e diktaturat.

*25 Nëntori – Dita Ndërkombëtare kundër dhunës ndaj grave