Dhoma e Përfaqësuesve e cila pritet të nisë punën në janar pasi republikanët morën kryesimin e saj është zotuar të hetojë familjen e Presidentit Biden. Republikanët akuzojnë djalin e tij për evazion fiskal jashtë vendit dhe për këtë do të ngrenë komisione hetimore. Hetimi është një nga disa komisione që republikanët do të ngrenë gjatë 2-vjeçarit që kanë mandatin.
Një ditë pas marrjes së shumicës në Dhomën e Përfaqësuesve, republikanët janë zotuar të investigojnë familjen e presidentit Biden si një nga prioritetet e tyre kryesore.
Ligjvënësit thanë se hetimi do të fokusohej në marrëdhëniet e biznesit jashtë vendit të djalit të presidentit, Hunter Biden.
52-vjeçari është tashmë nën investigimin federal, por deri më tani nuk është përballur me asnjë akuzë.
Biden më i ri nuk është i përfshirë me administratën në asnjë cilësi.
Por republikanët e lartë këmbëngulin se hetimi i tyre do të përcaktojë shkallën e përfshirjes së pretenduar të Joe Biden në marrëdhëniet e biznesit të djalit të tij, duke përfshirë periudhën kur ai ishte zëvendëspresident në epokën e Obamës.
Në një konferencë shtypi të djathtët argumentuan se presidenti kishte gënjyer popullin amerikan për përfshirjen e tij në marrëdhëniet e biznesit të familjes së tij.
“Pjesëmarrja e presidentit në pasurimin e familjes së tij është, me pak fjalë, abuzim i rendit më të lartë. Dua të jem i qartë, ky është hetimi i Joe Biden dhe këtu do të jetë fokusi ynë në Kongresin e ardhshëm,” tha ai.
Ata akuzuan Hunter Biden për krime, duke përfshirë evazion fiskal dhe mashtrim, por nuk njoftuan ndonjë plan të menjëhershëm për ta thirrur atë për të dëshmuar.
Më i ashpër ishte republikani i shtetit të Ohajos, Jim Jordan i cili tha se marrëveshjet e biznesit të familjet Biden janë një kërcënim për sigurinë kombëtare.
Hetimi është në vazhdën e serisë së Komisioneve Hetimore që Dhoma e Ulët e udhëhequr nga republikanët do të ndjekë.
Ata janë zotuar që të hetojnë përfshirjen e tërheqjes së trupave të Administratës Biden dhe mandatet vaksinave
Ligjvënësit republikanë kanë emëruar Kevin McCarthy, kryetar i Dhomës së Përfaqësuesve kur të mblidhet Kongresi i ri në janar.