Sot në Kuvend do të paraqitet për votim, Buxheti i vitit 2023, i kritikuar fort nga opozita. Buxheti i ri është në pikën e gjashtë dhe të fundit të rendit të ditës, sipas axhendës së publikuar nga Kuvendi. Më parë do të miratohen disa shtesa dhe ndryshime në ligjin për akcizat dhe në ligjet për tatimet.
Projektligji “Për buxhetin 2023” kërkon miratim me shumicë të thjeshtë votash. Mbi pyetjet do të shprehet komisioni përgjegjës për Ekonominë dhe Financat. Bëhet diskutimi në parim ku do të shprehen grupet parlamentare dhe në fund, votimi.
