Edhe pse shqiptarët kanë 32 vite që e kanë rrëzuar sistemin komunist, ithtarët e tij në çdo vit rikthehen në varrin e diktatorit Enver Hoxha, madje ka nga ata që ende lotojnë.
Ata që nuk mbërrijnë dot në tiranë e kujtojnë në rrethe, madje edhe në shtëpinë ku lindi në Gjirokastër.
Me libra në duar dhe lule kujtojnë vitet që për ta ishin të lumtura, edhe pse Shqipëria u fut në varfërinë më të thellë dhe izolim të plotë.
Gjithnjë e më të paktë në numër, por që vazhdojnë të komentojnë situatën politike.
E ndër ta mbrojnë dhe ish bashkëpunëtorët e sigurimit të shtetit duke mos pranuar përjashtimin nga parlamenti.
“60%-70% jam dakord, duhet parë me kujdes, të rinjtë nuk e kanë më atë fryme, duhen hequr vetëm ekstremistet që shkaktojnë dem, ka gabime në këtë mes, mos i le të mbushin thesin e pastaj t’i heqësh.”
Për komunistët nga vend i lindjes së Enver Hoxhës, të njëjtin funksion me sigurimsat kanë edhe efektivët e sot.
“A ka sigurimsa, ka? Duhet te ekzistoje, siç ka kryeministri badigardë, i bie t’i heqim nga puna.”
Në kuvend tashmë janë paraqitur tre projektligje ku synohet pastrimi i politikës nga ish bashkëpunëtorët e sigurimit, por dhe propozimet që shkojnë deri në penalizimin e ish zyrtarëve të asaj kohe.
