Teksa çmimi i naftës ka arritur në 245 lekë/litër, banorët e Elbasanit janë mbledhur në sheshin ‘Gensher’ për të protestuar.
Pas thirrjes së PD për protestë kundër rritjes së çmimeve të hidrokarbureve, janë grumbulluar qindra persona rreth orës 11:00. Disa prej tyre kanë fikur automjetet në rrethrrotullimin e 1 majit.
Bulevardi është bllokuar nga protesta, kurse qytetarët kanë shprehur revoltën e tyre jo vetëm për çmimin e karburanteve, por edhe për krizën e rëndë ku janë zhytur.