Pas nismës së parë, ku depozituan një kërkesë për shfuqizimin e Bordit të Transparencës për karburantet, vjen një tjetër nismë nga grupi parlamentar i PD-së.
Mësohet se sot në orën 12:30 deputetët Dashnor Sula dhe Bledion Nallbati, do të dorëzojnë në Gjykatën Kushtetuese kërkesën e grupit të PD, për të shfuqizuar Bordin e Përcaktimit të Produkteve Ushqimore.
Pak ditë më parë në Kushtetuese deputetët e grupit parlamentar të PD-së dorëzuan kërkesë për shfuqizimin e Bordit të Transparencës për Karburantet si dhe dy ligjeve të miratuara për këtë çështje.
