Grupi Homeland Justice ka bërë së fundmi një reagim ku flet për sulmet kibernetike. Homeland Justice thotë se përmes sulmeve kibernetike kanë shprehur urrejtjen dhe zemërimin ndaj qeverisë shqiptare.
“Kemi kryer sulmet kibernetike për të shprehur zemërimi dhe urrejtjen tonë ndaj qeverisë shqiptare. Terroristët e huaj dhe pastruesit e parave nuk i përkasin tokës sonë të shenjtë. Toka jonë ka nevojë për tu pastruar.”-shkruan Homeland Justice.
Kujtojmë se ky grup hakerash ka kryer më herët sulm kibernetik ndaj sistemeve qeveritare ndërsa lanë edhe mesazhet e tyre në rrjet.
Ata shkruanin edhe më herët se nuk donin të cënonin interesat e popullit, por Shqipëria ka qeveri dhe politikanë të korruptuar, prandaj edhe ndërmorën sulmin, duke paralizuar funksionimin e shtetit.
