Deputetja e PD, Grida Duma ka folur në Kuvend për Integrimin e Shqipërisë në BE, për propagandën si dhe për konfiskimin e ndërtimeve pa leje.
Ajo nuk ka kursyer edhe ironinë për deputetët e PS, teksa ka komentuar edhe rrugën Tiranë-Durrës, ku sipas saj ka dëgjuar të thotë dikush “nuk e rregullojmë se do ecin më shpejt e për pasojë do të ketë më shumë aksidente”.
“Edhe sot pas gati 100 vitesh është më aktuale se kurrë dhe libri Doktor Gjilpëra i Konicës sepse nuk shërohet një i sëmurë mendor duke i dhënë ilaç vaj kapslliku. Me ngadalë. Të ngecur me sikur…por edhe me integrimin. Ju keni menduar se mund t’i hidhni vaj, nga ai i Konicës vaj kapslliku makinës së propagandës dhe do t’ja hidhni. Jepi içik vaj makinës së propagandës dhe mund ta çtensiononi situatën. Se ashtu siç qeshni ju me shqiptarët , zgërdhirje në nivel cinik ashtu qesh dhe unë se si mundni të gënjeni aq shumë.
Tre kollona ka integrimi, shtetin e të drejtës, ekonominë e tregut dhe llogaridhënie e përgjegjësi. Bëtë prona 2013 bam e bam. Do legalizojmë çdo gjë , 2022 çfarë po legalizoni.
Nuk e di në ka ndonjëri qëndrim tjetër, por duhet të jetë optimist se ne dhe rrugët e reja na duken të vjetra në sekond. Ka ardhur pushtuesi ka bërë bulevard perandorak dhe ne e mbajmë si pamjen më të bukur të kryeqytetit.
Nuk e di në ka më njeri që quan autostradë Tiranë-Durrës se kam dëgjuar njerëz që thonë nuk kalojmë më se ka gjithmonë në aksident. Ndodh aksident tha një tjetër, “por më mirë që nuk e riparojnë se do të ecin më shpejt”, tha dikush. Është si ato sofizmat, plaku shpejt se po u rinove harxhon jetën. Është gallatë e madhe propaganda juaj”, tha Duma.
