Një atentat më armë zjarri ka dështuar një ditë më parë në Durrës.
Sipas burimeve te Ora News dyshohet se shënjestër ishte shtetasi me iniciale A. N, banues në zonën e Shijakut.
Ky shtetas ka qenë rreth pasdites në zonën e plazhit kur është qëlluar me armë zjarri që dyshohet të jetë snajper.
Gazetari i Ora News Edison Vatnikaj informon se arma nuk ka kapur shënjestrën, por një makinë në rrugë.
Ora News disponon identitetin e plotë të shënjestrës, por në pritje të një konfirmimi zyrtar nga ana e policisë, nuk bëhet publik.
Raportuan gazetarët e Ora News: Edison Vatnikaj, Mark Brunga
