Një i burgosur 28-vjeçar ka mbërritur i vdekur në spitalin rajonal të Lezhës.
Ai është ndjerë keq në paraburgim dhe është transportuar me urgjencë në spital, por ka ndërruar jetë gjatë rrugës.
Mesohet se viktima është O. Kastrioti, banues në Tiranë. Ai ishte arrestuar nga policia për veprën penale “largim i të burgosurit nga vendi i qëndrimit”.
Trupi i të riut do të dërgohet në morg, ku do ti nënshtrohet ekspertizës mjeko-ligjore, për përcaktimin e shkakut të vdekjes.
