Shqipëria gjatë paradites paraqitet në dominimin e kthjellimeve, por herë pas here do të ketë kalime të pakta të vranësirave në zonat malore. Sipas MeteoAlb, në pjesën e dytë të ditës vranësirat të bëhen më të dukshme në vend, ku në zonat malore Verilindore dhe Juglindore do të mund të sjellin momente të pakta me pika shiu.
Republika e Kosovës në orët e para të ditës do të jetë në dominimin e kthjellimeve dhe kalimeve të lehta të vranësirave. Ndërsa mesdita dhe orët vijuese sjellin shtim gradual të vranësirave në të gjithë territorin duke krijuar mundësi për reshje të pakta dhe të izoluara shiu.
Territori i Maqedonisë së Veriut deri në orët e mesditës do të jetë në dominim e kushteve të qëndrueshme atmosferike, duke sjell alternime kthjellimesh dhe vranësirash të lehta. Por pas mesdite parashikohet shtim i vranësirave, ku herë pas here do të pësojnë zhvillime të përkohshme duke gjeneruar reshje të pakta dhe jo në të gjithë vendin.
Evropa Lindore do të jetë në ndikimin e vranësirave të shumta dhe rrebesheve të shiut. Po ashtu pjesërisht rajoni i Ballkanit dhe Qendra e kontinentit do të jenë me kalime të shpeshta të vranësirave të cilat herë pas here do të sjellin rrebeshe shiu. Ndërsa pjesa tjetër e Evropës do të jetë në mbizotërimin e kushteve të qëndrueshme atmosferike.