Greqia nuk gjen paqe as këtë verë nga zjarret e shumta, të cilët po rrezikojnë zonat e banuara. Deri në këto momente nga flakët janë përfshirë disa makina në zonën e Pedelit në Athinë. Ndërkohë i rrezikuar është edhe spitali i fëmijëve në zonën periferike të qytetit, nga ku janë evakuuar 36 fëmijë dhe 16 mjekë. Mbrojtja civile njoftoi banorët e zonës Pedeli te largohen nga banesat e tyre.
