Dy shqiptarë të arrestuar në Britaninë e Madhe kanë pranuar se kanë prodhuar kanabis me vlerë dhjetëra mijëra paund. Kushërinjtë Fatmir Kurmekaj, 34 vjeç nga High Wycombe dhe Fatjon Kurmekaj, 36 vjeç nga The Crescent, janë shpallur të dy fajtorë për prodhimin e kanabisit të klasit B.
Ata do të dënoheshin sot në mëngjes në Gjykatën e Plymouth Crown, por gjykatësi ka thirrur një seancë dëgjimore për të përcaktuar se me çfarë dënimi duhet të përballen dy kushërinjtë pasi kishte një ‘ndryshim thelbësor’ midis asaj që prokurorët dhe avokatët mbrojtës thanë se kishin bërë.
Oficerët kanë gjetur disa grupe çelësash tek dy burrat shqiptarë, përmes të cilëve më pas kanë hapur disa prona, dy prej tyre ishin kthyer në të ashtuquajtura “shtëpi bari”. Gjatë operacionit ata gjetën kanabis të mbjellë dhe nga një “roje” të vetëm në secilën shtëpi.
Emigranti shqiptar Teslim Mahmutaj, i gjetur në shtëpinë në Kingsley Road u burgos më vonë për shtatë muaj në Truro Crown Court. Adrian Kurmekaj, i cili u gjet në shtrat, u dënua me 30 muaj burgim.
Prokurori Piers Northworthy shpjegoi se shtëpia ishte kthyer “në një fermë të sofistikuar dhe domethënëse” kanabisi, me pjesë të një dyshemeje dhe tavani midis dy banesave të çmontuara për të lejuar që e gjithë shtëpia t’i jepej rritjes së bimëve dhe një shkallë që i lidhte bashkë.
