Policia në Fier ka zbritur në terren ku po kryen kontrolle në akset kryesore të qytetit.
Burime për Ora News, bën me dije se policia ka bërë kontrolle të makinave luksoze duke ndaluar një pjesë të tyre.
Janë bërë kontrolle fizike të drejtuesve, verifikime të automjeteve dhe dokumentacionit, si edhe kontrolle në automjetet që mbajë xhama të errësuar.
Kontrollet janë bërë nga forcat e posaçme ‘Shqiponja’, patrulla e përgjithshme e Komisariatit Fier, agjentë të policisë kriminale, ato të antidrogës e rrugores, brenda qytetit dhe në rrugët periferike.
Në qendër të kontrolleve mbeten personat e përfshirë në ngjarje kriminale dhe ata të shpallur në kërkim ose ata për armëmbajtje pa leje.
Ende nuk ka rezultate nga ky aksion i policisë së Fierit, ndërsa gjatë këtyre ditëve të fundit është vënë re shtim i kontrolleve.