Enkelejd Alibeaj ka thirrur sërish një takim të grupit parlamentar demokrat, e cila është bojkotuar në masë nga ligjvënësit demokratë.
Në këtë mbledhje, ku të pranishëm janë vetëm 23 deputetë, Alibeaj ka shpalosur se cila është marrëveshja e tij me Taulant Ballën.
Ai tha se janë katër hapa për të cilat është dakordësuar me Ballën:
1. Grupi i PD zgjedh 4 kandidatë.
2. Pala tjetër përzgjedh 2 kandidatë.
3. Ngrihet një grup i përbashkët PD-PS me 6 anëtarë dhe zgjedh 1 kandidat.
4. Kandidati propozohet me firma të përbashkëta PD-PS.
Një ditë më parë, kreu i grupit parlamentar të PS-së, Taulant Balla, i dha të drejtën deputetit Enkelejd Alibeaj të propozojë kandidat për President, në raundin e dytë dhe të tretë.
Ndërkohë, Alibeaj i cili pretendon se është kryetar se e ka komanduar Gazment Bardhi, sot vijoi “teatrin” në selinë blu.
Para takimit me deputetët, ai u takua edhe me disa përfaqësues të aleatëve.
